Fimm létust í umferðinni í Danmörku í dag

Mæðgin létust í umferðarslysi í Haslund, suðaustur af Randers, i dag. Faðirinn og kornabarn eru í lífshættu. Móðirin sem er um þrítugt og fimm ára gamalt barn týndu lífi í dag í alvarlegu umferðarslysi við Hammelvej við Haslund, nærri Randers. „Ástand þeirra er mjög tvísýnt," segir Jesper Bøjgaard, hjá lögreglunni á Austur-Jótlandi.

Slysið varð þegar bifreið fjölskyldunnar lenti framan á tankbíl sem kom úr gagnstæðri átt. Þetta er annað alvarlega umferðarslysið í dag. Stuttu eftir hádegi létust þrír í óhappi við Slagelse, þar sem Peugeot 206 og flutningabíll lentu saman.