Vissi ekki að Afríka væri heimsálfa

Sarah Palin varaforsetaefni Repúblikanaflokksins vissi ekki hvort Afríka væri heimsálfa eða land, samkvæmt upplýsingum sem hafa lekið til fjölmiðla frá flokknum sem tapaði fyrir Barack Obama og félögum í fyrradag.

Aðstoðarmönnum John McCain brá heldur betur í brún þegar þeir uppgötvuðu hversu illa upplýst Palin væri, þegar hún var kynnt sem varaforsetaefni flokksins. Þetta segir Carl Cameron stjórnmálaskýrandi Fox sjónvarpsstöðvarinnar.

„Hún skyldi ekki, sögðu aðstoðarmenn McCain mér, að Afríka væri heimsálfa en ekki land, sagði Carl í O´Reilly Factor sem sýndur er á Fox News.

Hann sagði einnig að frú Palin hefði ekki getað nefnt löndin sem tækju þátt í „North American Free Trade Agreement" sem var „stórmál í kosningabaráttunni".