Saka Cheney um að espa til ófriðar í Georgíu

Rússar sökuðu í dag Dick Cheney, varaforseta Bandaríkjanna, um að espa Georgíu til átaka með því að styðja aðild landsins að NATO.

Cheney sem heimsótti Georgíu í gær sagði við Mikheil Saakasvili forseta að Bandaríkin stæðu algerlega með Georgíu í því máli.

Talsmaður rússneska utanríkisráðuneytisins sagði að þessi nýju loforð varaforsetans væru vond.

Þau væru aðeins til þess fallin að styrkja Saakasvili stjórnina í þeirri trú að hún væri ósnertanleg og ýta undir hættuleg áform hennar.