Falsaðir flugeldar á opnunarhátíðinni í Peking

Sjónvarpsáhorfendur um allan heim sem fylgdust spenntir með opnunarhátíð Ólympíuleikanna og tóku margir hverjir andköf af hrifningu þegar nokkurskonar fótspor voru mynduð með flugeldum á sjónvarpsskjánum. Nú hefur hinsvegar komið í ljós að þar var tæknin á ferð, því fótsporin voru búin til í tölvu. Jafnvel stórir tölvuskjáir sem voru inni á leikvangnum sýndu tölvugerðu flugeldana.

Sjónvarpsáhorfendur héldu að þeir væru að horfa á flugelda sem myndaðir voru að ofan úr þyrlu, en í raun horfðu þeir á þrívíddar flugelda sem tók meira ein eitt ár að hanna. Sá sem hannaði verkið sagðist sáttur með útkomuna í samtali við dagblað í Kína.

„Þegar ég sá þetta á opnunni fannst mér þetta þó enn nokkuð bjartara en gerist með raunverulega flugelda," sagði Gao Xiaolong við dagblaðið.

„En flestir áhorfendurnir héldu að þetta væri í beinni útsendingu, það var takmarkið."