„Leimmér að mæla þig góan“

Umferðin í Vietnam er ein sú hættulegastga í heimi. Langflestir ferðast um á einhverskonar skellinöðrðum eða öðrum vélhjólum. Í Vietnam er kommúnistastjórn. Kommúnistastjórnin ákvað að draga úr umferð og fækka slysum.

Hvernig ? Jú, kommúnistastjórnir geta sett þær reglur sem þær vilja. Í Vietnam var ákveðið að miða við líkamsburði. Öllum sem hafa minna brjóstmál en 71 sentimetri verður bannað að aka vélhjólum.

Sömuleiðis öllum sem eru of lágvaxnir, of horaðir eða veiklulegir. Þetta ætti að draga talsvert úr umferð, því að sögn Asíufréttaritara breska blaðsins Daily Telegraph nær þetta til um níutíu prósenta þjóðarinnar.

Bloggarar í Vietnam gera óspart grín að þessu og sjá fyrir sér gráðugar löggur með málband í hönd við að mæla brjóstmál ungra kvenna. Og þar sem Vietnamskar konur eru afskaplega nettar ná fæstar þeirra tilskildu brjóstmáli.

Daily Telegraph ræðir við þrjátíu og eins árs gamlan verðbréfamiðlara sem segir að þetta sé ósköp fyndið. Hinsvegar sé það ekkert fyndið fyrir þá sem verða fyrir barðinu á nýju reglunum.

Sjálfur þekkir hann marga sem uppfylla ekki skilyrðin.