Lindsay sullar í sig vodka

Enn einu sinni virðist Lindsay litla Lohan hafa flaskað á meðferðinni. Um áramótin náðust myndir af henni drekka kampavín af stút, nokkrum vikum síðar sötraði hún kokteila með vinkonum sínum, og nú um helgina náðust svo myndir af henni þar sem hún sturtaði í sig vodkakokteilum af miklum móð.

Samkvæmt heimildum People brá Lindsay, sem hefur farið í þrjár meðferðir, sér í Hawaiian Tropic partý í New York skömmu eftir miðnætti á laugardag. Vinkona hennar Samantha Ronson var með í för og þeytti skífum í samkvæminu. Lindsay varði tíma sínum hinsvegar með vodkakokteil í hönd á dansgólfinu, þar sem hún spriklaði við ljúfa tóna til rúmlega fjögur um morguninn.