Verða að birta upplýsingar um hitaeiningar

Yfirvöld í New York krefjast þess að stóru veitingahúsakeðjurnar í borginni gefi upp hversu margar hitaeiningar eru í hverjum rétti. Ef upplýsingar um hitaeingar eru ekki á áberandi stað á matseðli, er hægt að sekta veitingahúsin eða jafnvel svifta þau rekstrarleyfi.

Það hefur tekið nokkurn tíma fyrir borgaryfirvöld í New York að koma nýju reglugerðinni í framkvæmd, en hún tók formlega gildi í gær. Hún felur í sér að stóru veitingahúsakeðjurnar verða að hlýta því að gefa upp fjölda hitaeininga í hverjum rétti. Eins og títt er í Bandaríkjunum fóru þau veitingahús sem ekki vildu una reglugerðinni í mál, en töpuðu og urðu að fara að vilja borgaryfirvalda og gefa upp hitaeiningar í hverjum rétti.

Reglugerðin á ekki við lítil veitingahús, þar sem réttir eru ekki staðlaðir, heldur stóru skyndibitakeðjurnar, sem hafa útibú á að minnsta kosti 15 stöðum. Nú verða til dæmis McDonald, Burger King, Starbucks og Dunkin Donuts að gefa upp hve margar hitaeiningar eru í þeirraréttum.

Þessar upplýsingar verða að vera á áberandi stað, helst við hliðina á verðinu á réttunum. Heilbrigðisyfirvöld í New York vilja með þessu leggja sitt af mörkum í baráttunni við offitu. Orkuþörf hvers einstaklings miðaðst við aldur, kyn og hreifingu, meðal maðurinn þarf um tvö þúsund hitaeiningar á dag. Nú má sjá það á matseðlinum hjá McDonalds að í einum stórum hamborgara, miðstærð af frönskum og gosi eru tæplega tólf hundruð hitaeiningar. Þá kemur í ljós að í mörgum kaffidrykkjum hjá Starbucks eru mörg hundruð hitaeiningar.