Jarðskjálftinn í Kína varð 22 að bana

Jarðskjálftinn sem skók Sichuan-héraðið í Suðvestur-Kína í gær varð 22 manneskjum að bana, samkvæmt tölum Xinhua-fréttastofunnar.

Skjálftamælar í Bandaríkjunum skráðu skjálftann 5,7 stig á Richter. Skjálftinn reið yfir borgina Panzhihua og í gærkvöldi var vitað um 17 dauðsföll og eitt hundrað slasaða í Sichuan-héraðinu. Um 1.000 hús eyðilögðust og sprungur mynduðust í 400.

Hópar björgunarmanna eru nú á staðnum og vinna að því að bjarga því sem bjargað verður. Líkt og í maí þegar stóri skjálftinn reið yfir Sichuan-hérað hamlar mikið regn björgunarstörfum.