Maður í jólasveinabúning drap átta í skothríð

Að minnsta kosti átta eru látnir eftir að maður klæddur í jólasveinabúning hóf skotrhríð í jólaboði á aðfangadagskvöld í Suður Karólínu.

Byssumaðurinn, sem talinn er vera hinn 45 ára gamli Bruce Jefrey Pardo, hóf skothríð um leið og dyrnar á boðinu voru opnaðar.

Átta ára gömul stúlka sem opnaði fyrir honum var skotin í andlitið. Pardo hélt síðan áfram að skjóta á 30 gesti sem voru í boðinu í bænum Covina í Los Angeles. Húsið varð síðan alelda eftir að sprenging heyrðist.

Lögreglan segir að Pardo hafi notað heimatilbúinn íkveikjubúnað til þess kveikja í. Hann fannst síðar látinn á heimili skyldfólks.

„Hann lést af sárum sínum. Við höldum að þetta tengist hjónadeilum," sagði Pat Buchanan lögreglumaður á staðnum.

Meðal þeirra sem er saknað eru hjónin sem bjuggu í húsinu og fyrrverandi eiginkona Pardo.

Tveir voru fluttir á sjúkrahús slasaðir en eru ekki í lífshættu er haft eftir lögreglumanninum. En einnig var þriðji maðurinn fluttur á sjúkrahús fótbrotinn. Vitni segja að Pardo hafi farið úr jólasveinabúningnum eftir skothríðina og klætt sig í hefðbundin föt.