29 hafa látist og 88 slasast í sprengjuárás á Indlandi

29 manns hafa látist hið minnsta og 88 eru slasaðir eftir að sautján sprengjur sprungu á innan við klukkutíma í morgun, í borginni Ahmedabad á Indlandi í morgun. Þetta hefur lögregla og stjórnvöld staðfest.

Vísir sagði frá sprengingunni í morgun en þá var staðfest að tveir hefðu látið lífið. Annað tveggja lestarsvæða í borginni hafa verið sett á mikið viðvörunarstig.

Nokkrir fjölmiðlar hafa sagt frá því að lögregla á staðnum hafi fengið tölvupóst frá múslímsku samtökunum Mujahedeen, þar sem varað var við hugsanlegri árás. Samtökin hafa líst yfir ábyrgð á tveimur svipuðum árásum á síðustu níu mánuðum á Indlandi.

Flestar sprengingarnar voru í austurhluta Ahmedabad í um tíu kílómetra radius, að því er CNN segir frá.

Ein sprenginging varð á strætó stoppistöð, önnur á rútustöð og ein í strætisvagni. Enn ein sprengja sprakk undir bíl fyrir utan sjúkrahús þar sem sjúklingar meiddust.