Kaupþing uppfyllir ekki skilyrði fyrir evru

Ástæða þess að seðlabankamenn leggjast gegn því að stærsti banki landsins fái að taka upp evruuppgjör er sú að evran hefur að þeirra mati ekki enn náð því að verða sá gjaldmiðill sem meginhluti viðskipta Kaupþings fer fram í. Þetta kom fram í hádegisviðtalinu við Eirík Guðnason seðlabankastjóra á Stöð 2.

Seðlabankinn segir Kaupþing vilja telja með veltu hollenska bankans NIBC, en á það sé ekki hægt að fallast fyrr en kaupin á þeim banka séu endanlega frágengin. Seðlabankamenn hvetja stjórnvöld hins vegar til að íhuga að þrengja lögin gagnvart fjármálafyrirtækjum.