Juncker varar við of mikilli bjartsýni

Jean-Claude Juncker, forsætisráðherra Lúxemborgar sem gegnir forystuhlutverki í evrumálum innan ESB þessi misserin, segir að bankakreppunni sé ekki lokið þótt hlutabréfaverð hafi hækkað töluvert í dag og í gær.

Í ræðu á þingi Lúxemborgar varaði hann enn fremur við of mikilli bjartsýni í efnahagsmálum, enn væri ekki útséð með áhrif þeirra aðgerða sem stjórnvöld víða um heim hefðu gripið til síðustu daga. Þær felast meðal annars í kaupum á hlutum í stórum bönkum og láni til banka sem átt hafa í erfiðleikum.