Grunnþjónusta skerðist ekki á höfuðborgarsvæðinu

Þrátt fyrir að núverandi ástand hafi leitt til til versnandi fjárhags sveitarfélaganna á höfuðborgarsvæðinu verður lögð áhersla á að tryggja rekstur sveitarfélaganna með með óbreyttum hætti á komandi mánuðum og að öll grunn- og velferðarþjónusta sem þau veita íbúunum mun ekki skerðast.

Stjórn Samtaka sveitarfélaga á höfuðborgarsvæðinu hélt aukafund í dag til að ræða og fara yfir þá stöðu sem upp er komin í efnahagslífi þjóðarinnar og áhrifa þeirrar stöðu á rekstur og afkomu sveitarfélaganna.

Stjórnin telur afar mikilvægt að sveitarfélögin gangi samstillt til þeirra verkefna sem nauðsynleg eru til að bregðast við núverandi ástandi. Þá telur hún ekki síður mikilvægt að náið samráð verði milli sveitarfélaganna og ríkisvaldsins um lausnir og leiðir sem fara þarf til að ná þessum markmiðum.

Reykjavík, Kópavogur, Hafnarfjörður, Garðabær, Mosfellsbær, Seltjarnarnes, Álftanes og Kjósarhreppur tilheyra Samtökum sveitarfélaga á höfuðborgarsvæðinu.