Líklegt að Musharraf muni segja af sér á næstu dögum

Financial Times fullyrðir á heimasíðu sinni að forseti Pakistans, Pervez Musharraf, muni láta af embætti á næstu dögum svo hann sleppi við að mæta ákærum pakistanska þingsins.

Blaðið hefur eftir heimildarmönnum sínum að Musharraf hafi nú þegar komist að samkomulagi þess efnis við ríkisstjórn landsins.

Stjórnin hefur hótað að draga Musharraf fyrir dómsstóla vegna embættisbrota en hann segist ekki taka neitt slíkt í mál, frekar segi hann af sér. Líklegt er talið að orðið verði við bón forsetans og nýtur forsetinn meðal annars stuðnings her landsins í þeim efnum.

Musharraf hefur verið völd í Pakistan frá árinu 1999 en frá því í febrúar hefur hann einangrast nokkuð þar sem núverandi ríkisstjórn þykir langt frá því hliðholl honum. Stjórn þessi er leidd af flokki fyrrverandi forsætisráðherra landsins, Benazir Bhuttu, sem ráðin var af dögum rétt fyrir lok síðasta árs.