Obama segir Írönum að bíða ekki næsta forseta

Barack Obama sagði á sameiginlegum blaðamannafundi með Nicolas Sarkozy, Frakklandsforseta, að Íranar ættu ekki að hika við taka nýju tilboði Vesturveldanna um stuðning á sviði viðskipta og tæknimála gegn því að þjóðin stöðvi auðgun úrans í landinu.

„Íranar ættu ekki að bíða eftir næsta forseta því pressan á landið mun aðeins aukast, að mínu mati," sagði Obama á fundinum í dag með Sarkozy sér við hlið en forsetinn er einn þeirra leiðtoga sem nú reyna að semja við stjórnvöld í Íran um að hætta að auðga úran.