Miliband segist ekki stefna á leiðtogasæti

David Miliband, utanríkisráðherra Bretlands og ein helsta vonarstjarna Verkamannaflokksins, segist ekki stefna á að verða leiðtogi flokksins. Þetta fullyrðir hann þrátt fyrir að hafa skrifað grein um framtíð Verkamannaflokksins án þess að minnast einu orði á Gordon Brown, formanns flokksins og forsætisráðherra.

Breskir fjölmiðlar héldu því fram um helgina að verið væri að skipuleggja atlögu gegn Brown. Síðan þá hafa ráðherrar og áhrifamenn innan flokksins hafa keppst við að lýsa yfir stuðningi við Brown og segja alrangt að verið sé að skipuleggja hallarbyltingu innan Verkamannaflokksins.

,,Getur Gordon leitt okkur til sigurs í næstu kosningum? Já, ég er sannfærður um það," hefur BBC eftir Miliband í kjölfar þess að hann skrifaði hina umdeildu grein í Guardian.

,,Við höfum leiðtoga. Við höfum góðan leiðtoga sem stendur fyrir öflug gildi," segir Miliband.