Gríðarlegir eldar í Kalíforníu

Um tvö þúsund heimili eru í hættu vegna elds sem braust út nærri Yosemite þjóðgarðinum í Kalíforníu á föstudag. Rýma þurfti 170 - 200 heimili í Midpines, sem er bær nálægur eldsupptökunum. Íbúar nærri Coulterville, Greeley Hill og Mariposa, sem eru vestur af Yosemite í Marisposa sýslu, hafa verið varaðir við að þeir gætu þurft að yfirgefa heimili sín ef eldurinn breiðist út nærri þeim.

Eldurinn hefur ekki áhrif á sjálfan þjóðgarðinn en rafmagnsleiðslur sem liggja til Yosemite dals, þar sem vinsælir ferðamannastaðir eins og El Capitan eru, hafa farið úr skorðum.

Eldurinn kviknaði á föstudag og eru nú um 1000 slökkviliðsmenn að berjast við hann. Þeir bíða nú eftir liðsauka sem mun berast að víðsvegar úr Kalíforníu fylkinu.