Gallabuxur varna ekki nauðgun

Fyrir níu árum síðan komst hæstiréttur Ítalíu við litla hrifiningu að þeirri niðurstöðu að það væri ómögulegt að nauðga konu í gallabuxum. Enda þótti ljóst að enginn gæti klætt konu úr þeim fatnaði án hennar samþykkis.

Réttinum hefur nú snúist hugur. Á dögunum staðfesti hann nauðgunardóm yfir manni sem gefið var að sök að hafa nauðgað unglingsstúlku. Maðurinn varði sig með því að hann hefði ekki getað nauðgað stúlkunni, þar sem hún hefði bæði setið, og verið klædd í þetta erfiða fataplagg. Dómurinn gefur í niðurstöðu sinni lítið fyrir þær skýringar - gallabuxur séu ekkert skírlífisbelti.