Dolly veldur usla í Texas og Mexíkó

Fellibylurinn Dolly hefur nú tekið land í Texas og Mexíkó en samhliða því hefur dregið töluvert úr styrk hans og er Dolly nú aftur flokkaður sem hitabeltisstormur.

Mikil rigning hefur fylgt Dolly og hafa íbúar í Rio Grande dalnum undirbúið sig undir flóð á því svæði. Um 5.000 íbúar Texas hafa leytað skjóls í neyðarskýlum og rafmagnstruflanir hafa leitt til þess að um 27.000 heimili þar eru rafmagnslaus.

Í Mexíkó hafa 13.000 manns leitað skjóls í neyðarskýlum vegna Dolly.