Obama í Berlín

Búist er við að tugir þúsunda manna komi saman við Sigursúluna í miðborg Berlínar í dag til að hlýða á Barack Obama forsetaframbjóðanda demókrata. Obama er mjög vinsæll í Þýskalandi. Komið hefur fram í skoðanakönnunum að þriðjungur Þjóðverja telur hann verða næsta forseta Bandaríkjanna.

Barack Obama forsetaframbjóðandi demókrata kom til Berlínar í morgun frá Ísrael. Angela Merkel kanslari Þýskalands tók á móti Obama í Berlín. Hann hefur verið á ferðalagi um Mið-Austurlönd, þar sem hann hefur fundað með ráðamönnum. Komið hefur fram í skoðanakönnunum í Bandaríkjunum að landsmenn treysta honum síður fyrir öryggis- og varnarmálum, en John McCain frambjóðanda Republikana. Með ferðalaginu um Mið-Austurlönd og til nokkurra Evrópuríkja ætlar hann að bæta úr þessu.

Berlín er fyrst stopp Obama í Evrópuferðinni. Hann verður í Þýskalandi í dag, en fer síðan til Frakklands á morgun og Bretlands á laugardag. Obama er mjög vinsæll í Þýskalandi. Tveir þriðju hlutar landsmanna telja að hann verði næsti forseti Bandaríkjanna og móttökurnar eru eftir því. Búist er við tugum þúsunda manna í miðborg Berlínar í dag. Þar ávarpar Obama borgarbúa við Sigursúluna í Berlín. Margir líkja Obama við John F. Kennedy, sem ávarpaði Berlínarbúa árið 1963 með orðunum: Ich bin ein Berlíner.