Karadzic fyrir rétt í dag

Radovan Karadizc virtist samstarfsfús þegar réttarhöldin yfir honum hófust í Haag í dag, öfugt við fyrrum samherja sinn Slobodan Milosevitsj, sem var viðskotaillur þar frá fyrsta degi. Karadizc vill kynna sér ákæruefnin áður en hann svarar nokkru um sekt sína eða sakleysi. Ómar Valdimarsson.

Karadzic sagðist í upphafi fyrirtökunnar í dag ætla að verja sig sjálfur - en hann hefði ósýnilegan stuðning.

Karadzic sagðist hafa ætlað að koma fyrir dómstólinn miklu fyrr - en líf sitt hefði verið í hættu og því hefði hann kosið að gera það ekki.

Karadzic óskaði eftir því við fyrirtökuna í dag að fá að lesa fjögurra síðna yfirlýsingu um aðdraganda handtöku sinnar. Hann gaf í skyn að hann hefði áður fyrr verið búinn að gera samkomulag við fulltrúa Bandaríkjastjórnar sem ekki hefði verið staðið við eftir gerð Dayton-samkomulagsins sem batt endi á Bosníustríðið og setti hann af sem forseta sýndarlýðveldis Bosníu-Serba.

Dómarinn neitaði honum um svo langan lestur við þetta tækifæri og sagði nógan tíma fyrir slíkt síðar.

Karadzic virðist nú eldri en hann raunverulega er - 63 ára og það má vera ljóst að líf hans í dulargervi hefur sett á hann sín mörk - þótt hann hafi sagt dómaranum í dag að hann væri við mjög góða heilsu.

Radovan Karadzic kemur næst fyrir rétt 29. ágúst næstkomandi og mun þá svara tium sekt eða sakleysi.