Ike mættur til Texas

Fellibylurinn Ike gekk á land við Texas í nótt. Óttast er að hann færi með sér flóð á stóru og þéttbýlu svæði. Alls hefur um milljón manna í Texas flúið heimili sín við ströndina. Áður en bylurinn fór yfir olíuvinnslusvæði í Mexíkóflóa undan ströndum Texas var borpöllum lokað, þannig að tekið var fyrir um fimmtung af olíuframleiðslu Bandaríkjanna. Ike er nálægt því að vera þriðja stigs fellibylur og því sérlega viðsjárverður.

Öldugangurinn fór yfir fimm metra háa brimvarnargarða Galveston borgar í gærkvöldi. Sá garður var byggður fyrir rúmum eitt hundrað árum í kjölfar þess að átta þúsund manns létu lífið af völdum fellibyls. Nú voru 60 þúsund íbúar Galveston fluttir burt.