Skemmtiferðaskip draga úr olíunotkun

Siglingaleiðir stóru skemmtiferðaskipanna sem bjóða lúxusferðir um heimshöfin verða styttar eins og kostur er næstu misseri. Tilgangurinn er að draga úr olíunotkun sem verður æ þyngri baggi með síhækkandi eldsneytisverði.

Einhverjir missa þó spón úr aski sínum við breytingarnar og má þar nefna kanadísku borgina Quebec . Hver farþegi eyðir að meðaltali sem nemur 9.000 krónum þegar skemmtiferðaskip hefur viðdvöl þar og sum skipanna flytja yfir 3.000 farþega. Eftir styttingu siglingaleiðarinnar fjölgar hins vegar skipakomum til Portland í Bandaríkjunum með tilheyrandi fjárstreymi. Ekki liggur fyrir hvort færri skemmtiferðaskip koma til Íslands á næsta ári en í ár, sem var metár.