Stuðningshópur fyrir Jóhann R. á Facebook

Á samskiptasíðunni Facebook hefur verið stofnaður hópur undir fyrirsögninni. „Stuðningshópur Jóhanns R. Benediktssonar." Síðan var stofnuð í dag en hún er fyrir þá sem vilja sýna Jóhanni, lögreglustjóra á Suðurnesjum stuðning. Dómsmálaráðherra hefur ákveðið að auglýsa stöðu lögreglustjórans lausa til umsóknar og líta gagnrýnendur svo á að verið sé að bola Jóhanni úr starfi.

„Björn Bjarnason dómsmálaráðherra ætlar nú að losa sig við Jóhann R. Benediktsson úr starfi lögreglustjóra á Suðurnesjum vegna eigin geðþótta.

Jóhann hefur i alla staði staðið sig vel í starfi og er afskaplega vel þokkaður af starfsmönnum embættisins og íbúum Suðurnesja," segir á síðunni.