Rösklega ellefuhundruð facebook notendur styðja Geir

Rösklega ellefuhundruð manns hafa skráð sig á síðu sem sett var upp til stuðnings Geirs H. Haarde forsætisráðherra á facebook. Þar er að finna nokkra þekkta einstaklinga úr íslensku þjóðlífi eins og Hemma Gunn, Jónínu Benediktsdóttur, Birgi Leif Hafþórsson, Ágústu Johnson, Helgu Möller og Hannes Hólmstein Gissurarson.

Geir er þó umdeildur á meðal facebook notenda eins og algengt er um þá sem gegna embætti forsætisráðherra. Liðlega 700 manns hafa núna skráð nafn sitt á síðu sem sett hefur verið upp gegn Geir.