Dýrlegir stjórnendur

Karlkyns stjórnendur hegða sér eins og ákveðin dýr, einkum apar og simpansar. Þetta er niðurstaða nýrrar rannsóknar Háskólans í New South Wales í Ástralíu.

Í henni var sýnt fram á að stjórnendurnir merktu sér yfirráðasvæði, sýndu vald sitt og gerðu sitt til að tryggja áframhaldandi völd. Einnig velja karlkyns stjórnendurnir sér dökkan fatnað við ýmsa skærari liti líkt og þegar dýrin sýna ýmsa litríka líkamshluta sína. Stjórnandi rannsóknarinnar sagði einnig að maðurinn væri ein 200 tegunda sem blési út brjóstkassann við ákveðnar aðstæður.