Dómstóll í Afríkuríkinu Tsjad hefur úrskurðað fyrrverandi forseta landsins, Hissan Habre, til dauða fyrir valdaránstilraun. Var Habre dæmdur fyrir að skipuleggja árás á höfuðborg landsins, N'Djamena, fyrr á árinu.
Habre var komið frá völdum í Tsjad af núverandi forseta landsins, Idriss Deby, árið 1990 eftir átta ár í valdastólnum. Síðan þá hefur hann verið í útlegð í Senegal og hefur Afríkubandalagið hvatt senegölsk stjórnvöld til að framselja Habre aftur til Tjad.
Habre var í stjórnartíð sinni oftar en ekki kallaður „Pinochet Afríku". Eiga um fjörtíu þúsund manns að hafa fallið í pólitískum ofsóknum hans.
