Handtóku þjófa á Miklubrautinni

Fjórir þjófar voru handteknir á Miklubrautinni um hádegisbil í dag eftir eftirför lögreglu. Þjófarnir fóru inn í hús í Mosfellsbæ og höfðu sankað að sér nokkuð af munum þar þegar komið var að þeim við iðju sína. Þeir flúði inn í bíl en sá sem að þeim kom sýndi snör handtök og hringdi á lögreglu.

Hann gaf henni greinagóða lýsingu á bíl mannanna og upplýsingar um í hvaða átt þeir héldu. Lögreglan fór til móts við bílinn og náði að stöðva hann á Miklubrautinni skammt ofan við Grensásveg. Þjófarnir voru handeknir og bíða þess nú að skýrslur verði teknar af þeim. Ökumaður bílsins er jafnframt grunaður um að hafa ekið undir áhrifum lyfja.