Mátti þola einelti kennara og nemenda

Á sjötta hundrað manns sóttu í dag ráðstefnu um börn og unglinga með sérþarfir í íslenska skólakerfinu. Menntamálaráðherra segir óþolandi að heyra sögur af því þegar fjölskyldur með sérþarfir fá ekki þá þjónustu sem þær eiga rétt á, en á ráðstefnunni sagði fólk, sem lent hefur í erfiðleikum í skólakerfinu, frá reynslu sinni.

Hátt í sex hundruð manns mættu á ráðstefnu ráðgjafamiðstöðvarinnar Sjónarhóls í dag, þar sem úrræði og þjónusta við börn og unglina með sérþarfir voru rædd. Þá sögðu nokrir einstaklingar með mismundandi sérþarfir frá reynslu sinni. Yfirgnæfandi meirihluti þátttakenda voru konur, enda virðast karlmenn ekki sækja í umönunarstörf.Anton Rafn er þrítugur og hefur aðeins grunnskóapróf en skólaganga hans er ein sorgarsaga. Hann er með tourette einkenni, sem lýsa sér í alls kyns kækjum og hljóðum,en hann var orðinn 25 ára þegar heilkennið var greint.

"Ég gekk í gegnum mikið einelti í skóla, mér var strítt af meðfylgjandi kækjum sem fylgja tourette heilkenni og tourettinu fylgir einning lesblinda og hljóðvilla og fleira sem hefur þau áhrif að það hamlar skólagönguna mikið," segir Anton Rafn Gunnarsson.

En það voru ekki bara nemendur sem stóðu fyrir eineltinu.

"Já, það má segja það, að það hafi verið þátttaka bæði kennara og nemenda. Það var hlegið mikið og gert gert svona óþægilegt grín af vangetu minni," segir Anton Rafn.

Þannig að þú hefur einagnrast mikið í skólanum og verið einn á ferð?

"Já, ég var mikill skuggi, fór bara með veggjum og reyndi að forðast daginn. Það komu margir dagar þar sem ég hreinlega mætti ekki í skóla og var þá bara einhvers staðar á víðavangi," segir Anton Rafn.

Þorgerður Katrín Gunnarsdóttir menntamálaráðherra sagði í ávarpi sínu á ráðstefnunni að það væri óþolandi að heyra sögur af fjölskyldum sem ekki fengju þá þjónustu sem lög boða, enda væru fjármunirnir til staðar nú. En í dag sækja t.d. um 300 manns með sérþarfir framhaldsskóla landsins.

Atnon Rafn segir að það hafi verið litið á hann sem vandræðabarn í skóanum.

"Já, ég myndi segja það. Ég var svona einn af þessum sem litið var á sem vandræðabarn með lélegt uppeldi og það dæmi sem fylgdi því. En raunverulega var ég bara barn sem þurfti ramma, rútínu og stuðning."