Engin slys á fólki í árekstri þriggja jeppa

Engin alvarleg slys urðu á fólki þegar þrír jeppar rákust saman á Vesturlandsvegi skammt norðan við Hvalfjarðargöng um fimmleytið í dag. Flughált var á veginum og lentu bílarnir allir utan vegar. Tveir þeirra reyndust óökuhæfir eftir áreksturinn.

Um tvöleytið fór bíll út af veginum skammt skammt þarna frá en þar þurfti að beita klippum til að losa eldri hjón úr bílnum. Þau slösuðust þó ekki alvarlega en voru flutt á sjúkrahúsið á Akranesi til skoðunar.

Lögreglan á Akranesi og í Borgarnesi segja að flughált hafi verið á veginum frá Hvalfjarðargöngum og upp í Borgarnes en nú er búið að salta hann en vegfarendur eru engu að síður beðnir um að fara varlega.