Lýst eftir vitnum að hugsanlegum kappakstri

Lögreglan á höfuðborgarsvæðinu lýsir vitnum að umferðaróhappi á Reykjanesbraut á móts við Garðheima í Mjódd í gærkvöld klukkan 20.14. Þá var svartri Honda Civic fólksbifreið ekið suður Reykjanesbraut og leikur grunur á að ökumaðurinn hafi verið í kappakstri við annan ökumann.

Á móts við Garðheima virðist sem ökumaður bifreiðarinn hafi misst stjórn á henni með þeim afleiðingum að ökutækið fór yfir umferðareyju og hafnaði síðan á upplýsingaskilti. Lögregla óskar sérstaklega eftir upplýsingum um hitt ökutækið sem þarna kann að hafa komið við sögu. Þeir sem geta varpað ljósi á málið eru beðnir að hafa samband við lögregluna á höfuðborgarsvæðinu í síma 444-1000.