Kynlífsherbergi og kúkaklessur á sófum á heimili Britney

Skilnaðarlögfræðingar K-Fed hljóta að gleðjast þessa dagana. Kynlífdýflissa og saurblettir á sófum eru meðal óheppilegra atriða á heimili söngkonunnar, ef marka má grein í Star tímaritinu.

Britney er með kynlíf á heilanum, að sögn heimildarmanns blaðsins. Sá segist hafa slysast inn í tvílæst herbergi, stútfullt af titrururm, svipum og loðnum handjárnum hangandi frá málmgrindarrúmi, á annarri hæð heimilis Britney.

Í herberginu geymir söngkonan líka búningasafnið, einkennisbúning kaþólskrar skólastúlku, þjónustustúlkukjól og Öskubuskubúning. Heimildamaðurinn málglaði segir einnig að Britney sé svo upptekin af Marilyn Monroe að hún vilji láta breyta nefinu á sér til að líkjast ofurstjörnunni vansælu meira.

K-Fed var að öllum líkindum kunnugt um herbergið, en parinu tókst að búa til tvö börn í skammlífu hjónabandinu. Ekki er þó víst að hann sé hrifinn af fullyrðingum heimildamannsins þess efnis að leikföngin hafi dreift úr sér og liggi nú eftir á stangli um húsið.

Eftirlitsmaður sem fékk það hlutverk að gefa Britney umsögn í skilnaðarmálinu hafði svo sitthvað út á afganginn af heimilinu að setja. Kúkablettir á hvítumsófum í stofunni, eftir bleyjuskipti og hund Britney munu hafa farið illa í viðkomandi.