Bílvelta: Mennirnir á batavegi

Mennirnir tveir sem slösuðust í bílveltu á Suðurlandsvegi í morgun eru á batavegi. Annar þeirra gekkst undir uppskurð á Landspítalanum í dag en hann er ekki lífshættu að sögn vakthafandi læknis. Læknar munu þó fylgjast með líðan mannanna í dag.

Mennirnir slösuðust þegar jeppi sem þeir voru í fór útaf veginum á Suðurlandsvegi til móts við skálabæi undir Eyjafjöllum um klukkan hálf níu í morgun. Samkvæmt upplýsingum frá lögreglunni á Hvolsvelli líltur út fyrir að ökumaður jeppans hafi misst bílinn út í vegkant með fyrrgreindum afleiðingum. Fór hann að minnsta kosti tvær veltur áður en hann lenti á hjólunum.

Vegfarandi sem kom að slysinu gerði lögreglunni viðvart. Nota þurfti klippur til að ná mönnunum út en bíllinn er gjörónýtur að sögn lögreglu. Mennirnir voru síðan fluttur af slysstað með þyrlu Landhelgisgæslunnar.