Eiður í byrjunarliðinu gegn Lettum

Eyjólfur Sverrisson landsliðsþjálfari hefur nú tilkynnt byrjunarlið sitt fyrir leikinn gegn Lettum í undankeppni EM klukkan 16 á Laugardalsvelli. Nokkrar breytingar hafa verið gerðar á liðinu sem mætti Norður-Írum.

Hjálmar Jónsson tekur þannig stöðu Hermanns Hreiðarssonar í vörninni þar sem Hermann er í leikbanni. Brynjar Björn Gunnarsson og Jóhannes Karl Guðjónsson koma aftur inn á miðjuna í stað þeirra Kára Árnasonar og Arnars Þórs Viðarssonar og þá verður Eiður Smári á sínum stað í sókninni í stað Ármanns Smára Björnssonar.

Byrjunarlið Íslands:

Markvörður: Árni Gautur Arason

Varnarmenn: Kristján Örn Sigurðsson, Ívar Ingimarsson, Ragnar Sigurðsson, Hjálmar Jónsson

Miðjumenn: Grétar Rafn Steinsson, Brynjar Björn Gunnarsson, Jóhannes Karl Guðjónsson, Emil Hallfreðsson

Framherjar: Eiður Smári Guðjohnsen og Gunnar Heiðar Þorvaldsson.

Varamenn í dag eru þeir Daði Lárusson, Indriði Sigurðsson, Arnar Þór Viðarsson, Kári Árnason, Helgi Sigurðsson, Ólafur Ingi Skúlason og Ármann Smári Björnsson.

Fyrir utan hópinn í dag eru svo Ólafur Örn Bjarnason, Ásgeir Gunnar Ásgeirsson og Veigar Páll Gunnarsson, sem á við smávægileg meiðsli að stríða.