Segjast hafa verið narraðar til verksins

Bresku stúlkurnar sem voru ákærðar í Ghana fyrir tilraun til að smygla kokaíni að verðmæti 37 milljónir íslenskra króna til Englands segja að þær hafi verið narraðar til verknaðarins.

Hinar 16 ára gömlu Yasemin Vatansever og Yatunde Diya eiga yfir höfði sér minnst 10 ára dóm ef þær verða sakfelldar. Stúlkurnar voru handteknar á Accra flugvellinum í Ghana 2. júlí síðastliðinn þegar þær ætluðu að ganga um borð í flug British Airways til Lundúna.

Stúlkurnar höfðu sagt foreldrum sínum að þær væru á skólaferðalagi í Frakklandi.

Réttarhöld yfir stúlkunum fara fram í unglingadómstól.