Ógeðfelldar myndir á íslenskri heimasíðu

Lögreglan rannsakar nú hvort eigandi að íslenskri heimasíðu hafi brotið lög um dreifingu og birtingu á barnaklámi og öðru klámefni. Heimasíðunni var lokað í seinni partinn í dag eftir að fréttastofa hóf að grennslast fyrir um málið. Það er rík ástæða til að vara við myndum sem fylgja þessari frétt.

Heimasíðan var uppfull af ógeðfelldum myndum af fólki sem hefur látist á vofveiglegan hátt, grófu dýraklámi og barnaklámi. Þar var meðal annars verið að auglýsa nýjar sendingar af vörum frá Asíu og Austur Evrópu og við hlið auglýsingarinnar er mynd af barnungri stúlku. Þar segir: Ef þig vantar loli eða guro þá færðu það hjá okkur (skrifum DVK sé þess óskað) en samkvæmt heimildum fréttastofu þýða orðin loli og guro ungar stelpur og stráka. Fyrst þegar fréttastofa hafði samband við lögreglu vegna málsins þá kannaðist hún ekki við tiltekna heimasíðu en sáu fljótt að hana þyrfti að rannsaka betur. Myndefnið sem birtist á síðunni er með því ógeðfelldasta sem lögregluyfirvöld hafa komist í kast við hér á landi

Heimasíðan er hýst hjá netfyrirtækinu Hive. Framkvæmdarstjóri Hive segir fyrirtækið hafa haft samband við eiganda síðunnar og honum gefið tækifæri til að loka henni.

Seinni part dags í dag var búið að taka út allt efni á forsíðu heimasíðunnar og í staðinn stóð þar:

Síðan er farin. Netlögreglan komst í hana. Kannski kemur hún aftur - hver veit ... ef hún finnur nýtt heimili.

Ekki stanna!"