Drengur sem bjargaði lífi móður sinar skyndihjálparmaður ársins

Egill Vagn, átta ára drengur sem bjargaði lífi móður sinnar síðasta sumar, var í dag valinn skyndihjálparmaður ársins af Rauða krossinum. Egill Vagn brást fljótt við þegar móðir hans missti meðvitund vegna bráðaofnæmis. Hann sótti adrenalínpenna í veski móður sinnar, sprautaði hana í handlegginn og hringdi síðan í neyðarlínuna eftir hjálp.

Egill Vagn bar sig rétt að öllu en það var móður hans til lífs að hún hafði rætt við hann um hvað þyrfti að gera ef eitthvað kæmi fyrir hana. Hann vissi líka hvar adrenalínpennann var að finna og hvernig ætti að nota hann.