Innlent

Utanríkisráðherra fyrir þingnefnd vegna forseta Íslands

Utanríkisráðherra gerir ekki athugasemd við setu forseta Íslands í þróunarráði Indlands. Formaður utanríkismálanefndar Alþingis segir þetta mál hins vegar sýna að ekki ríki fullur trúnaður á milli forsetaembættisins og annarra stjórnvalda.

Valgerður Sverrisdóttir utanríkisráðherra var kölluð fyrir utanríkismálanefnd Alþingis í morgun til að fjalla um setu forseta Íslands í þróunarráði Indlands, en formaður nefndarinnar, Halldór Blöndal, hefur gagnrýnt setu hans þar. Valgerður skýrði hins vegar nefndinni frá því að hún gerði ekki athugasemd við setu forsetans í ráðinu. Halldór Blöndal segir að fullur trúnaður verði að ríkja á milli forseta Íslands og ríkisstjórnar og forsetans og Alþingis og segir þetta tiltekna mál sýna að svo sé ekki.

Mest lesið


Fleiri fréttir

Sjá meira


×

Mest lesið