Mörgum vísað frá í háskólum

Tólf hundruð og tuttugu umsóknum um háskólanám var vísað frá í fyrrahaust. Björgvin G. Sigurðsson þingmaður segir þetta ótvíræða sönnun um fjárskort háskólastigsins.

Þessar tölur komu fram í fyrirspurn Björgvins til menntamálaráðherra, en ekki kemur fram samanburður við fyrri ár. Björgvin segist þó hafa rökstuddar vísbendingar um að talan fari hækkandi ár frá ári. Þetta bitni fyrst á þeim sem ekki hafa fullgild stúdentspróf en fá lífs- og atvinnureyslu metna til náms.

Aðeins sex var vísað frá Háskóla Íslands, enda er hann nánast lögskyldur til að taka við öllum nemendum með stúdentspróf. 134 var vísað frá Háskólanum á Akureyri, en fjárhagsvandi hans hefur verið í umræðunni undanfarnin misseri. Lang flestum, eða 563 umsóknum var hafnað í Kennaraháskólanum, 383 frá Háskólanum í Reykjavík og 275 frá Bifröst.

Auk húsnæðisskorts í sumum tilvikum, sem auðvitað má tengja við fjárskort, er þónokkrum vísað frá vegna of lítillar undirbúningsmenntunar og þónokkrir sækju um setu í fleiri en einum skóla.