Verð á loðnu í methæðum

Verð á loðnu er orðið hærra en nokkru sinni fyrr og bíða sjómenn þessi í ofvæni, á mörgum skipum norðaustur af landinu, að hún fari að ganga upp á landgrunnið og verða veiðanleg.

Verð fyrir tonnið er koðið upp í rúmar 13 þúsund krónur, eftir að hafa verið 4 til 5 þúsund í mörg ár áður en það hækkaði upp í átta þúsund í fyrra. Þessi verðhækkun kemur á besta tíma því kvótinn núna er minni en um árabil. Nýlega var bætt við upphafskvótann og í kjölfar þes sákváðu útvegsmenn að senda öll loðnuskip til veiða.

Þá berast þær fréttir frá Noregi að nú sé greitt hærra verð fyrir tonnið af loðnu en síld, ef loðnan fer til frystingar til manneldis. Það er í fyrsta skipti sem það gerist og eru nokkur norsk loðnuskip, sem hafa verið á miðunum hér við land,nú á heimleið, frekar enn að landa aflanum hérlendis, eins og nokkur þeirra hafa gert.

Íslenski loðnuflotinn er nú á Lónsbugt , austur af Höfn í Hornafirði, og sagði Grétar Rögnvarsson skipstjóri á Jóni Kjartanssyni að loðna sæist víða og gæti orðið veiðanleg á hverri stundu.