Uppbygging Vatnsmýrarinnar rædd í dag

Tillaga Samfylkingarinnar um uppbyggingu þekkingarklasa í Vatnsmýrinni verður til umræðu í borgarstjórn í dag. Byggir hún á stefnumótun og þróun síðustu ára, m.a. samningum við Háskóla Íslands, Háskólann í Reykjavík og Landsspítala-háskólasjúkrahús.

Tillagan er í fjórum þáttum og lýtur meðal annars að stofnun Alþjóðlegrar miðstöðvar um þróun hreinnar orku í Vatnsmýrinni. Krafa Samfylkingarinnar er einnig að borgarstjórn styðji það að flytja rannsóknarstofnanir í Vatnsmýri og að gengið verði í að laða þekkingarfyrirtæki og tengda starfsemi þangað.