Sigurður Kári með leikrit á Alþingi?

Nokkuð snarpar umræður voru á Alþingi í dag eftir að Sigurður Kári Kristjánsson, þingmaður Sjálfstæðisflokksins, spurði forsætisráðherra og flokksbróðir sinn um nýja skýrslu Hagstofunnar um tekjudreifingu á Íslandi. Sigurður var af þingmönnum stjórnarandstöðunnar sakaður um að setja upp leikrit og hafa þannig teppt fyrirspurnartíma.

Össur Skarphéðinsson, þingmaður Samfylkingarinnar, sagði einkennilegt að Sigurður skyldi spyrja út í afstöðu þingmanna Samfylkingarinnar vitandi það að þeir gætu ekki svarað í fyrirspurnartímanum. Össur óskaði eftir því að málin yrðu rædd utan dagskrár. Siguður Kári sagði málið mikilvægt og því hefði hann spurt um það og einkennilegt væri ef allir hefðu ekki sama rétt til að koma með fyrirspurnir.