SS og Reykjagarður kaupa kjötmjölsverksmiðjuna í Flóa

Á ýmsu hefur gengið í rekstri kjötmjölsverksmiðjunnar, þau sex ár sem liðin eru frá því hún var reist, og lánadrottnar verið umráðamenn hennar síðustu misseri. Verksmiðjan hefur verið lokuð frá áramótum en Steinþór Skúlason, forstjóri Sláturfélagsins, segir að hún verði gangsett að nýju síðar í vikunni. Í tilkynningu frá nýjum eigendum segir að kaupin séu áfangi í gæða- og umhverfismálum SS og Reykjagarðs og eigi að tryggja að ráðstöfun úrgangs sem til fellur í fyrirtækjunum verði með besta mögulega hætti og í samræmi við ströngustu umhverfissjónarmið. Verksmiðjan, sem er sú eina sinnar tegundar í landinu, tekur á móti sláturúrgangi og öðrum lífrænum úrgangi og breytir í og fitu. Fitan er að stærstum hluta notuð til gufuframleiðslu fyrir verksmiðjuna og verksmiðjan því nær sjálfbær um orku.