Sala á Morgunblaðinu dregst saman á milli ára

Meðaltalssala á Morgublaðinu á dag dróst saman um nærri fimm þúsund eintök á síðari helmingi ársins 2006 miðað við sama tímabil ársins 2005. Þetta eru niðurstöður upplagseftirlits Viðskiptaráðs Íslands sem hefur eftirlit með seldum eintökum Morgunblaðsins og prentun og dreifingu Fréttablaðsins.

Á tímabilinu júlí til desember í fyrra seldist Morgunblaðið að meðaltali í um 47.700 eintökum á dag en árið á undan seldist blaðið í 52.200 eintökum.

Hins vegar vour prentuð um þrjú þúsund fleiri eintök af Fréttablaðinu síðari hluta ársins í fyrra en á sama tíma árið áður, eða um 102 þúsund eintök á móti 99 þúsundum. Um 92 þúsund eintökum var að meðatali dreift í hús dag hvern í júlí til desember í fyrra en tæplega 10 þúsund voru látin liggja frammi í verslunum og fyrirtækjum.