Bill Gates segir Ísland góðan kost fyrir þróunarstarf Microsoft

Forseti Íslands, Ólafur Ragnar Grímsson, átti fund síðdegis í gær með Bill Gates, stofnanda og stjórnarformanni Microsoft hugbúnaðarfyrirtækisins. Samkvæmt upplýsingum frá skrifstofu forsetans, lýsti Gates yfir áhuga á því að kynna sér nánari möguleika á að Ísland verði tilraunavettvangur fyrir nýjan hugbúnað og þróun upplýsingatækni.

Fundur Ólafs Ragnars og Bill Gates var haldinn í Edinborg þar sem báðir sækja leiðtogaráðstefnu sem haldin er í skoska þinginu. Lýsti Gates sérstökum áhuga á því að kynna sér nánar möguleika á nýtingu jarðhita hér á landi til orkuframleiðslu, því fyrirtæki á borð við Microsoft þyrftu aðgang að öflugum orkulindum. Samkvæmt upplýsingum frá forsetaskrifstofunni hvatti forsetinn Gates til að efla rannsóknar-og þróunarstarf fyrirtækisins á Íslandi. Forsetinn vék líka að nýlegri heimsókn sinni til Indlands og að mannúðar og líknarverkefni sem Stofnun Bill og Melindu Gates stendur að þar í landi en hjónin styrkja menntun ungra indverskra stúlkna