Hinn íslenskættaði Dani Jon Dahl Tomasson hefur verið lánaður til spænska liðsins Villareal þar sem eftir er tímabilsins en hann hefur verið á mála hjá þýska liðinu Stuttgart.
Fram kemur á vef danska ríkisútvarpsins að Tomasson hafi sjálfur óskað eftir félagaskiptunum en hann hefur lítið getað spilað með liðinu vegna meiðsla. Lánssamningurinn við Villarreal gerir ráð fyrir að félagið geti keypt Tomasson af Stuttgart í vor þegar knattspyrnuvertíðinni lýkur.
