Kviknaði í bát í Slippnum í Reykjavíkurhöfn

Einn bíll frá slökkviliði höfuðborgarsvæðisins var sendur að Slippnum við Reykjavíkurhöfn nú á þriðja tímanum eftir að tilkynnt var um að eldur hefði komið upp í skipi sem þar er í viðgerð. Um var að ræða skipið Guðrúnu Þorgeirsdóttur og virðist sem kviknað hafi í plastklæðningu þegar starfsmenn Slippsins voru við viðgerð um borð. Þeim tókst sjálfum að slökkva eldinn en töluverður reykur myndaðist við brunann og því var slökkviliðið kallað á vettvang til reykræstingar. Engan sakaði í brunanum.