Of heitt í kælum

Hitastig er að jafnaði um fjórðungi of hátt í kælum matvöruverslana á höfuðborgarsvæðinu og meira en helmingi of hátt að jafnaði í frystum. Þetta kemur fram í könnun starfsmanna Neytendasamtakanna á hitastigi í kælum og frystum í matvöruverslunum.

Mælt var hitastig í kjarna matvöru 60 vöruliða í 14 verslunum með þessum niðurstöðum. Fram kemur í tilkynningu frá Neytendasamtökunum að mikilvægt sé að reglugerð um kælihitastig sé framfylgt á öllum stigum á leið frá framleiðanda til neytenda ef geymsluþol á að haldast óskert.