Síðasti andstæðingur Beckham lék í Axarmorðingjanum

Fréttamaður breska sjónvarpsins sem fjallar um leik Englendinga og Króata í kvöld hitti naglann skemmtilega á höfuðið þegar hann velti fyrir sér af hverju David Beckham væri ekki í byrjunarliðinu í kvöld.

"Margir velta því fyrir sér af hverju David er ekki í liði McClaren í kvöld, en þegar maður skoðar þetta út frá þeirri staðreynd að síðasti maðurinn sem dekkaði David Beckham í leik var Anthony LaPaglia - gaurinn sem lék í "So I married an axe murderer" - er kannski ekki skrítið að hann sé látinn sitja á bekknum," sagði fréttamaðurinn.

Það er rétt að síðasti leikur Beckham var góðgerðaleikur í Bandaríkjunum ar sem 90,000 dollarar söfnuðust handa fórnarlömbum skógareldanna í Suður-Kaliforníu.

Téður LaPaglia stóð þá í marki andstæðinga Beckham og félaga þar sem enski landsliðsmaðurinn skoraði 2 mörk í 12-4 stórsigri Beckham-liðsins á "Hollywood United" - liði LaPaglia.

Í liði leikarans voru menn á borð við Viv Campbell, gítarleikara Def Leppard, svo það er kannski ekki skrítið að landar Beckham setji spurningamerki við leikformið á kappanum.