Króatía sá til þess að England komst ekki á EM

Króatar unnu í kvöld 3-2 sigur á Englandi á Wembley sem gerir það að verkum að Englendingar komast ekki á EM, heldur Rússar.

Rússar unnu í kvöld aðeins 1-0 sigur á Andorra en það dugði til að komast fyrir ofan England í töflunni.

Englendingum hefði dugað jafntefli. Þeir byrjuðu þeir skelfilega í leiknum er Nico Kranjcar og Ivica Olic komu Króötum í 2-0 forystu eftir aðeins fjórtán mínútur.

Frank Lampard minnkaði muninn í síðari hálfleik úr vítaspyrnu og Peter Crouch jafnaði svo metin tæpum tíu mínútum síðar. Englendingar reyndu að hanga á jafnteflinu en varamaðurinn Mladen Petric skoraði sigurmark Króata á 77. mínútu.

Petric átti ágæt skot utan teigs en það var ekki það gott að Scott Carson átti ekki að geta varið boltann.